Hasi dira ...

Hasi dira txanpinoiak etxe aurrean. Uda amaierako lehen aztarna da hau. Besteetan barriz, udan be izaten ditugu, baina aurtengoa oso siku izan da eta ez dira hasi orain arte.



Ya empiezan los primeron campiñones delante de casa. Al final del verano, esta vez. Otras veces han salido en pleno vernao pero este año ha sido jmuy seco

Ostantzean mendian be perretxikoak hasi dria aste honetan. Dagoeneko jan ditugu, eta oso goxoak, gainera.

Sagarrak batzen

Sagarrak batzeko sasoia heldu da. Antxineko garaien gogora egile da hau. Lehen, Urritin, izeko Lurdes, Carmen, Conchita, Mari eta Margarigaz joaten ginen sagarrak batzera. Orduko lana hiru egunekoa zan, eta eurek janaria be bertan egiten zeben. Sagarrak igoteko Mari Glorik ixten euskun bere astoa, Niño izenekoa, eta egia esan berari esker, ze bestela ez zen egongo modurik, aldatz goran hainbeste sagar igoteko.

Oraingoan Txakusinen, ez dogu Niño behar, sagarrondo gitxi direlako eta aldapa barik, etxe ondoan dagozelako.

Lehen, sagorrondo txikitik hasi dira biak batera.

Gero, Olatz igo da sagarrondo handira eta Nekane behean gelditu da bere ahizta handiari begira. Datorren urtean berak be igoko dau.

Azkenean jan doguz batzuk probetako, bakoitzari mota ezberdina gustetan jako.

Nahasturik eroan doguz danak karretilan.

Okaranak batzen

Okaranondoa topera egon da aurten. Adarrak pisuaren-pisuz lurreraino jausita. Nire lagun batek, adarretatik hartu zituen okaranka ihaz sasoi honetan. Ez da aurten etorriko?

Nekane okaranak batzera joan da gaur goizean

Lapikokada bete okaran batu dau

Hainbeste dagozanez, jan ezinik egoten garanez.... dultzea egin beharko dogu.

Wisteria

Wisteria from Madalen Goiria on Vimeo.

Wisteria deitzen dautsie Inglaterran, Glizinia Frantzia aldean, edozelan deiturik, landare gogorra eta ederra da. Urtero hasten da gure etxean, lirain eta koloretsu. Inglaterrako orimena niretzat.

Ziklamena

Azkenean letxugako eskurridoregaz
Kristalezko bolagaz saiatu ondoren

Nekanek maite dau bere ziklamena, elurra danean estaltzen dau. Hasieran erabiltzen eban kristalezko bol bat, baina esaten eban landara aputxurratuta egoala. Horregaitik erabaki eban azkenean letxugaren eskurridorea jartzea. Orain pozago dagoala dino (ez dakit landara ala bera)

Milua

Beti ezagutu dot landara hau soloan. Eta askotan hartu izan dot txikitan dendatara olgetako. Guretzat zan azalora, eta etxetxuetan prestatzerakoan lapikoan sartzen genduzan mordoak egozteko.
Liburu honetan topatzen ditut lorak erreztasun osoz.

Etxeko arbola

Gida honetan topatu dot etxeko zuhaitzaren berri. Lehen Jose Antonio-k Txakusineko landarak zaintzen zituenean, esaten eban Indietako intxaurra zala, baina nik pentsetan dot edadeko pertsonek esaten dabe indietako esateko ameriketako. Eta hori da kasu honetan gertatutakoa. Horregaitik ni nebillen zoraturik Indietako intxaurra topatzen.

Etxeko arbola Ameriketako intxaurrondoa da, eta baditu lizarra eta arkaziaren moduko orri kontrajarritako horrek.

Txikoria bedarra

Pasa dan asteburuan landarak sartzen ibili naz, ea mardultzen diren datorren udaberrirako. Aukeratu dodan tokia, txikoria bedarrez josita egon da, eta banabil pentsetan ez ete dan Euskal Herrian gehien emoten dan landa bedarra...



Argazki honetan ikusten da aukeratu neban tokia zuloa egiteko gero landara sartzeko.

Txikoria bedarra dira inguruko guztiak gunetxo horretan.
Guk txikitan, etxe eta dendatara olgetan genduanean, -eta ia ia denbora osoan izaten zan hori-, erabiltzen genduan landara hau osorik, batez be ostoak sardinak direlakoan, eta horrela merkatuan saltzeko, edo etxean afaria prestatzeko.
Baina gogoratzen dot lora ez hartzeko esaten euskuela, izan be, barruan deko esnetxo bat eta horregaz eskuak bustiz gero, gero gabaz, ohean txis egingo genduala.

Gasteleraz diente de león hartzen dau izena, ingeleraz dandilion eta latineraz taraxacum.

Azafraia

Azafraia etxean erreka ondoan hasten da. Bere garaian, orain dela lau edo bost urte, han jarri nituen bulbo batzuk baina joan dira desagertzen. Azafraia, berriz, han dago.

Ingeleseraz, zafron esaten jako, gastelereraz berriz, azafrán eta latineraz, crocus sativa.
Ingalaterran bizi nintzela, nire lore kutunenak krokusak ziren, eta ez nekien orduan, familia berekoak zirenik.



Azafraia, erreka ondoan topatu dodaz honek, kolore deigarri eta erakargarri honekaz.

Nekane onguru horretan egoten da sarritan eta ondo ezagutzen dau han hasten dana.

Is there life on Mars?

Bideoak ez dauka zerikusirik, baina abeztiak bai. Bizitza ete dago Marten? Askotan entzuten da telebistan egunokaz Bowieren tema hau, iragarki bat egin dabelako jende ezberdinakaz tema hau jotzen eta abezten.Ez dot esango zeren iragarkia dan, nahiko ondo moldatzen dira-ta dirua ataratzeko blog honen laguntza barik be!. Baina goazen harira, panpinen pelikula batean entzuten da hau:
Zertarako gura dozu jakin bizitza ete dan beste planetetan? Zure bizitza planeta honetan nahiko patetikoa da ba!!!

Masustrak

"Aitite dala tutulunberde amama dala masustre, aitite joan da Bituriera amama lepoan hartute".

Gaur azkenean jan ditugu gura izan ditugun beste. Ze gozoak! Uda bero eta zoragarri honetan masustrak inoiz baino hobeto heldu dira.

Papiroa ugaltzeko teknika

Papiroa ugaltzeko teknika erraza da.., Papiro landare bat badaukazu, adar zaharrak kentzerakoan gorde pare bat kimu barri.


Aurreko urteko papiroren bedarrak hartuz gero jartzen dira buruz-behera pitxer batean.


Burutik ataratzen ditue susterrak...

eta susterrok urtenda, toki umel batean landatzen dira.

Passiflora

Gaur paseoa emoten umeekaz, etxe ezbardin bitan ikusi ditugu passiflorako landarak baina garapeneko momentu ezberdinetan. Bata loratan bestea fruitutan, horregatik osatu ahal izan dogu landararen garapena.

Gardenzenterra

Atzo landara mintegira joan ginan Nekane ta biok, nik deitzen dautset "garden zenterra", horma zulagailuari "blackandekerra"deitzen dodan moduan, eta holan doa nire englisheuskainola.
Manchesterren zeharo maite neban gardenzenterrera joatea, han orduak emoten nituen, nire etxe txikitxoaren lorategi polita hornitzeko. Orain ez da bardina, Gernikako bidean dagoenera joaten naz lantzean behin baina ez da zirrara bardina. Barruan zeozer aldatu da.