Aristide Liverpoolen

1992ko udan, Liverpoolen antolatu zan bilera alternatibo bat orduan hasi ziren Espainak Ameriketan egindako zarrazkeria eta lapurketaren 500. urteurrenako ospakizunak salatzeko.

Han Aristide ikusi neban eta entzun neban areto txiki batean azaltzen bere herriak behar ebana Duvalier tiraniatik alde egiteko eta bere gobernuetako gehiegikeriak gainditzeko.
Aristidek ez eban lortu bere herria salbatzea eta Hego Afrikako exilioan bizi da orain.
Galdetzen dautsegunean gure buruari zer egingo dogun desastre honen aurrean, nik be nire buruari itauntzen dautset, eta zer egin genduan orduan?.

Bogotatik etorritakoak

hanbat jende ezagutu ditugu bertan, bertakoak izanik. Kolonbiako jende zoragarria, amablea, goxoa eta maitagarria. Adibide gisa hona hemn euren argazki batzuk

Pisto Bilboko erara Aranen omenez

I am Aran, a Basque ex-pat living in the US since 1998, and this is Cannelle Et Vanille, my baby, my blank canvas for creating anything and everything sweet that comes out of my heart. Why the name "Cannelle Et Vanille"? Because those are the smells and tastes of my childhood and this blog is very much filled with nostalgia. Although I come from a family of pastry chefs and great cooks, I didn't start my career in the food business until I left my family's home. My parents tried to steer me in a different direction but my love for the craft of pastry was much too strong for me to ignore.

Sukaldaritzako blog hau Aran Goyoagarena da. The Times aldizkariak izendatu dau sukaldaritzari buruzko munduko bigarren blogik onena. Saski Naski blogaren arabera Aran zornotzarra danez, bere omenez, pistoko errezeta hau sartzen dot nirean. Esan lei planeta ezberdinetan egindakoak direla, bai blogak zein janariak.

Saski naskitik: Bloga zornotzar jatorriko Aran Goyoagak kudeatzen du.
Gaur jakin dodanaez, AranGoyoaga izatez, betidaniko Zornotzako Ayarza pasteleriako iloba da.Beraz, zornotzar peto-petoa.

Zorionak Aran


Osagaiak: kalabazina, tomateak, kipula, piper berdeak, olioa gatza eta azkenean (nahi bada) arraultzea.


Etxeko ortuko kalabazin erdi bat euki dogu bueltaka eta atzo azkenean erabaki neban pistoa egitea. Erreza da nire modura eginez gero:
1. Lehengo kalabazina zuritu eta haziak kendu, zatitu baino lehen.




2. Olioa sutara eroan eta hantxe zatitu kipula eta piper berdea.


3. Pixka bat egina dagozanean gehitu kalabazina zatiturik.


4. Desegin daitezala osagaiak eta gehitu tomatea


5. Ondo nahasturik dagozanean gehitu arraultze bat eta ondo irabiatu


6. Platerean jarri

Ladies of the road (II)

Detektibe latetan ibili naz Korderrako tunelean, baina goizean, inor ez dagoen bitartean. Hasieran gelditu behar izan dot han autoa, argazkiak ataratzeko, eta atzeko gidaria moskeatu da. Hau izan topatu dodana, lasai-lasai gelditu nazanean tipoa joan da gero.

Buddy Allenek esana

Buddy Allenen termodinamikako bigarren legearen arabera, azkenean dana kaka bihurtzen da.
It’s the Second Law of Thermodynamics: Sooner or later everything turns to shit.

President Barack Obama 2009 Inauguration and Address

Obamak esana. Ingelesa hobetzeko praktika ona, hizlari bikaina da ta.

Argiaren argitasunak

Bloga daukat, hain zaharra al naiz?



Konturatzerako zahartu egiten zara: 2004 inguruan bloga sortu zenuen, munduan zegoen gauzarik modernoena zelakoan: deitu zioten bitartekorik gabeko kazetaritza; hitz egin zen benetako informazio askatasunaz; eta zu, gorantz begira, utopia hori gertuago zegoelako ustean. Baina pasa dira bost urte, Wired aldizkarian Paul Boutinek idatzitako artikulu bat irakurri eta, kamarada, gauzak nola aldatzen diren ikusi duzu.

“Zeure bloga idazten hasi behar al duzu? –dio artikuluaren hasierak– Hona lagun baten aholkua: ez egin. Eta honezkero bloga baldin badaukazu, kendu entxufea”.

Orain Twitter, Facebook eta antzekoen garaia bizi dugu, sare sozialen aroa, Interneteko azken zurrunbilo eroa; eta, Boutinek dioenez, blogek berrikuntzaren treneko txartela galdu dute. Zergatik?

Izugarri gustatu jat titulua. Orain, antza, modan dagoena da gitxi idaztea. Horregaitik izango da Xabier Amurizak bere "Madalenarik gabe"blogari "blog alferra" deitu izatea? edo ez delako bere asmoa ezer idaztea, izango da...

Artajonan

Baba gorriak

Hotza datorrenerako, ez dago baba gorriak lakorik. Plater bat janez gero, egun osorako energia jaso dozu.
Eta hotza eta energiaz nabilela berba egiten beitu ze gauza bitxia gertatu jakun atzo gasoieko galdaragaz!. Pasa dan domekan ezin genduan ura berotu, etxeko gasoileko galdara indar barik ebilelako. Gure konpontzaile ofizialari (Saunier Duval) deitu geutson, eta etorri egin zan tipo bat, 30 euro kobratu zeuena urteeragatik eta ez eban ezer egin. "Bihar etorriko naz pieza bategaz, topatzen badot, ze zahar horrek itxura eskasa dauko". Galdara bera nahiko zaharra da (16 urteren bat eukiko ditu).
Gure galdara Trianco Boilerr da, Sheffield-ekoa, eta gainera pedigree deko, aurrekaldean erakusten daualako Royal Family´s coat of arms, adierazteko galdara hau Royal Famlyk be erabili edo gomendatzen dabela.



Saunier Duval-ekoak deitu ebanean esateko ez eukala piezarik eta guk bizitza topatzeko pentsatu neban "Enough is enough". Momentu horretan erabaki neban galdara berri bat jartzea. Horretarako joan nintzen nire iturgintzako herriko denda, betidanikoa, Blankirena, hain zuzen, eta bere alabak, Elik, bialdu eustan Emilio, neurriak hartzeko, eta erabakitzeko zein izango zen galdararik onena horretarako. Ba Emiliok momentu baten konpondu eustan galdara, eta gainera ez eustan ezer kobratu gura. Zeharo eskertuta nago, Emilio, zuretzat post hau.

Zornotzako danimarkarra

Pio Lindegard ezagutu neban Bilboko Zinemaldian. Berak beti esaten zeuen, garai haretan bera zala Zornotzako danimarkar bakarra. Egia ete izango da oraindik gaur egun?. Egongo dira jada Zornotzan danimarkar gehiago?.
Metalezko grabatu honetan, Karmen Kaleko arkupeetan bere aurpegia ikusten da. Barrez dago bera, gehienetan barrez egoten zan moduan, esan lei umeei begira barrea urteten jakola.

Murala

Otxandioko etxe batean dago mural hau, Lutxi Urigoitiaren omenez. Otxandioko kale horretatik bazoan egun euritsu batean Belfasten zagozala dirudi

Hamaika guzur

Mexiko DC-ko mutil gazte batek idatzia. Berak dino bere blogean danok erabili izan ditugula lantzean behin. Nik bai behintzat.Nik bakarrik euskaratu dodaz ez dot guzurrik esaten...

1. Aurten bai hasiko naizela ikasten.
2. Ez dautsu minik egingo.
3. Beste bat eta bagoaz.
4. Bakarrik da ikusteko ea posta dekodan.
5. Ez dot barriro edango.
6. Zor dautsudala?. Ez neban gogoratzen.
7. Baina laranjan pasatu naz.
8. Ordaindu mesedez, bihar emongo dautsut.
9. Galdu egin neban zure telefonoa.
10. Bai, autoa nirea da.
11. Zutaz nengoan ba pentsetan oraintxe...
12. Lagunak baino ez gara.
13. Jausi da eta apurtu.
14. Deitu neutsun baina okupeta egoan.
15. Bost minutu barru hor nago.
16. Benetan ez neban pentsatu holakorik gertatuko zanik.
17. Deitu bost minutu barru, bilera batean nago.
18. Baina ni liburutegian egon naiz...
19. Bart zutaz egin dot amets.
20. Pentsetan neban bihar zala.
21. Argia joan zan.
22. Nik deituko dautsut.
23. Holantxe egoan heldu naizenean.
24. Nik ez dot inoiz guzurrik esaten.

Xakeko dama

Gaur amaren urtebetzea denez zeozer idaztea pentsatu dot eta sarean topatu dot bere argazki hau. Zorionak ama, gaztetxo baten moduan zagoz 83 urtegaz. Ea nik jasotzen ditudan gen horrek!!!

Hil da...

Iñaki Perez Beotegi hil da. Behin ezagutu neban eta buru argikoa iruditu jatan, gainera pentsatu neban, ze ondo dekon jarrita ezizena. Umore ingelesa eukan, jarrera ingelesa erakutsi..., ez zirudien hemengoa zenik. Hara... ahaztu jat esatea bere ezizena... Wilson.

Ruper Leioan

Ruper Ordorika izan dogu barriro Leioako Kanpusean. Handia da bera, maisua Unibertsitateko maisuen artean. Aretoa hotza egon arren, berogailurik ez edo... gustora egon gara entzuten. Momentu baten ordu batak hamar gitxiago zirela, ikusi ditu ikasle batzuk alde egiten aretotik, eta esan "Ordu batetako autobusa.... gauza batzuk ez dira aldatzen, mundua bueltaka doa eta ez gara konturatzen..."

A. Young: gazte bat betiko

Zerk emoten deusku bizipoza? Nik gauza bat esan beharko baneu, da norbera zertan dan ona, gauza horretxetan jarduteko aukera eukiteak. Danok, gutariko ganorabakoenak be, daukagu dohain bat, abilidaderen bat, eta horitxe praktikan ipinita gara zoriontsu; eta ostera, abilidade hori erabili ezin badogu gara zoritxarreko, "Piano jotzailea" pelikulako protagonista legez, egunak joan eta egunak etorri piano bat ondoan euki eta jo ezinda.

Hau zertara dator, eta da orain dala gitxi interneten nabigatzen nengoala hauxe jakin dodala: Bizkaiko Sopela herrian badagoela AC/DC taldeko kide Angus Young- i egindako monumentu bat, estatua bat, hain zuzen. Merezi dau!

Munduan lagun asko egongo dira euren dohainak aurrera eroateko suertea daukenak, eta duda barik, bat Angus da: berarena bai bizipoza bere dohain "elektrikoa" erakutsi dauan bakoitzean, eta bizipoz hori entzuleei kutsatu deutsen guztietan.

Nire lankide Xabik ekarri deust Sopelatik argazki hau, Angus su eta garrean erakusten dauena beraren espezialitatea egiten: esku bakarragaz gitarra soloa jotzen. Baina argazki bat gitxi da soinuagaz eta mugimenduagaz entzulea liluratzen dauan morroi hau erakusteko: gaur asteguna bada eta gauza aspergarrietara lotuta bazagoz, jo egizu, irakurle, Youtubera, eta bilatu bertan ACDC Thunderstruck: musikako ekaitz batek harrapatuko zaitu berehala!

Tres eran tres....

Atzo jaso dot Rafaren mezua telefonoan, eta beragaz berba egiten gogoratu dot badekotala bere argazki bat. Behin, jubilatu baino pixkat lehenago, eskatu eustan bera eta bere garaikide diren Eskola honetako irakasleakaz argazki bat egitea. Baita egin genduan beste bat hirurok, Xabi eta biok beragaz. Hau da unea argazkia jartzeko blogean.

Rafa Redondo ez ZEN maisua , maisua DA

Javier Vizcainoren "Mas que palabras" saioan, asteroko atal bat dago "Lagun batek esan dit" deiturikoa eta Xabier Muguruzak eginikoa. Pasa den zapatuan, ZEN filosofiari buruz berba egiterakoan, gure laguna den Rafael Redondo aipatu eban. Ez dela ZEN maisu arrunta esanez, psikologo klinikoa izatez gain, filosofia eta psikologian doktorea dala be. Eta horretaz gain, esango neuke nik, pertsona bikaina eta maitagarria. beragaz lan egin egiteko suertea izan dogunok, ezagutu ditugu bere atsekabeak eta gozatu dogu beragaz berba egiten, bere umoreaz eta berotasunaz gureganatuz, elikatuz, bera da eta arimarako elixir baten modukoa.

Maisuaren umorea

Bideoa ikusiz gero, zer sentitzen dozu?. Barre egin dozu? Esan lei umore hutsaren aurrean gauzela, jai bat burua eta sentipenerako. Zoritxarrez gitxitan dogu aukera honelako umoreaz gozatzeko, eta une honek harribitxiak dira gure eguneroko bizimoduan. Goain bego Fernando Fernan Gomez.

WINDOWS XP REMIX - Brian Eno

Brian Eno-k (Roxy Music) egin eban musika hau. Danok ezagutzen dogu ze hau da aplikazioak ixterakoan entzuten den doinua. Microsoft-ek enkargatu eutson Enori 6 segunduko iraupena izango eban musika atala. Harrezkero ohiko iraupeneko abeztiak ozeanoak ei dira beretzak