Uda amaitu da

Urtero egiten dot argazki bat uda amaiera markatzeko, piszina oraindik hor dagolea baina ez danean igeritokia, egoteko tokia baino. Aurten be, hauxe da piszinari agurraren argazkia. 

Amaitu da uda, aurten luzatua izan arren, azkenean, nahiz eta oraindik bero egin, ez dabe uger egingo piszinan. Arraroa egin jaku aurten urrian onraindik piszina hain garbi egotea, baina horrela da, garbi-garbi dago.

Hemendik aurrera, piszinara joango dira ikusteko bertan biziko dirten animaliak neguan zehar. Denetarik topatu dabe dagoeneko.

Guardasolak eta ur-saltoa

Erropak eta aroak

Urtearoak erropen arabera: Udagoiena, udaberria, negua eta uda. Goikoak Olatzerenak, behekoak, barriz, Nekanerenak.

Donostiako postalak

Gaur Donostian egon naiz. Lanagaitik joan naz baina pentsatu dot ondo egongo litzatelela itsasoa ikustea, behin han egonez gero.... Ederra, polita, gauza zoragarria izan da. Argazkiak koloretan atara ditut, baina Donostia zuri/baltzerako egokia da oso, berak daukalako txik hori. Zuria burdinezko kaleko argietan, hesietan eta ateetan, grisak itsaso eta zeruetan eta surferoak baltzak.

Itsasoa grisa eta surferoak baltzak.

Inausten

Beti dagoz lanak etxe inguruan. Bakarrik egitea ez jat gustetan gehienetan, eta beraz, gurago izaten dot umeekaz egitea. Eurek badatoz, esaten dautsedanean zeozer egiteko dagoela, baina berehala nekatzen dira, eta hor gelditzen naiz bakarrik egiten. Ez dago modurik....Adibidez, etorri ziren inaustera, baina egongo ziren hiru minutu edo... gehiago ez, gero nik amaitu behar izan neban. Hau da hau!

Egun batzuetan Nekanek daroaz pultserak aldean eta besteetan Olatzek.

Hondartzan udagoienean

Beti joaten gara hondartzara udan, baina behintzat pare bat egun bagoaz udagoien edo neguan be. Asteburu honetan emon dauskue denbora Lagara joateko eta gozatzeko hondartza eta tabernaren giroaz. Eguraldia ezin hobea eta gero, etxera heldu orduko, egon da aita menditik etorrita eta batera bazkaldu dogu. Oso egun polita osatu dogu aldez aurretik ezer planeatu barik.

Kanposantuan:domu santu eguna

Han dagoz gure aita, aite-amamak, izeko-osabak... Hara joaten gara urtero lorak eroaten. Ez dogu otoiz egiten baina maite izan dogula eta maite dogula adierazi gura dautsegu gure eskaintza apalagaz.

Udagoiena heldu da

Udagoiena heldu da, ha llegado el otoño y Autumn is here.
Etxean egon gara egun osoan. Bueltatxo bat egin dogu kalean, gauza handirik ez, baina euria entzuten aterpean arratsaldean, hori bai egin dogula!! Ama eta Maite etorri dira Kasegaz. Katua eta txakurra ezin direnez aurrez aurre egon, txandaka ibili behar izan doguz kalera ataratzen. Bata barruan dagoela, besteak kanpoan egon behar dauala. Zelako komeriak!!
Bazkaldu dogu eta arratsaldean, lasai-lasai pasatu dogu denbora, dana izan da atsegina. We just stayed in and lit the fire, it was great and cozy with mother, Maite, the four of us, a cat and a dog. What else can you expect form life?

San Martineko uda txikia/Indian Summer

Etorri da, etorri da San Martineko Uda Txikia. Nire aititek biziki maite eban eta nik bebai. Gaur goizaren epel goxoan erropa kalean eskegi dogu, alfonbra kalera atara aztintzeko, eta Nekane gugaz ibili da olgetan eta marrazten...

Otxandioko txabola

Otxandioko txabolak dekoz udagoieneko koloreak, oholak baltzez margoztuta dagoz, kamioietako olio zaharragaz, kalabazak eta patatak daukie udagoieneko okre tonoa. Amamagaz eta aitagaz joan gienen desbrozadora eroaten eta patata etxera ekarten.
Nekaneri esan neutsen atean jartzeko ateen kolekzioa jarraitzeko. Bera prest egoan amari laguntzeko. Eskerrik asko Nekane, nire modelorik onena zara.

Udagoieneko lanak